Túrkistan oblysynda izdeý jarııalanǵan 5 jolaýshy tabyldy
TÚRKІSTAN. QazAqparat- Túrkistan oblysynda izdeý jarııalanǵan 5 jolaýshy tabyldy. Olar táýlik boıy qar qursaýynan shyǵa almaǵan,-dep habarlaıdy QazAqparat tilshisi.
Búgin saǵat 12:50-de Túrkistan oblysy TJD kezekshi-dıspetcherlik qyzmetiniń pýltine 5 adamnyń bir kúnnen beri tabylmaı jatqandyǵy týraly habarlama túsken.
Jeńil avtokólikpen Saýran aýdanynyń Egizqara aýylynan Yntaly aýyly baǵytyna jolǵa shyqqan jolaýshylar habar-osharsyz ketken.
«Іzdestirý-qutqarý jumystaryna Túrkistan oblysy TJD qyzmetkerleri men tehnıkalary jumyldyryldy. Arada eki saǵatqa jýyq ýaqyt ótkende qutqarýshylar jolaýshylardy Egizqara aýylynan tapty. Aýa raıynyń qolaısyzdyǵynan olar qar qursaýynda qalyp qoıǵan. Qutqarylǵandar medıtsınalyq kómekke muqtaj emes» - dedi Túrkistan oblysy TJD baspasóz qyzmeti Shyńǵys Súleımenov.
Túrkistan oblysynyń TJD mamandary azamattardy aýa-raıynyń ózgerýin baqylaýǵa alyp, aýa raıyna baılanysty eskertý habarlamalary men qajetti saqtyq sharalaryn saqtaý kerektigin eskertedi.
