Túrkistan oblysynda iz-túzsiz joǵalǵan kelinshek 20 kúnnen soń elordadan tabyldy
7 aqpanda áıeliniń joǵalǵandyǵy týraly polıtsııa bólimine kúıeýi aryzdanǵan bolatyn. Tártip saqshylary áıeldiń barýy múmkin degen oryndardy tekserip, tanystary arasynda surastyrý jumystaryn júrgizdi. Elimizdiń oblystary men qalalaryna baǵyttamalar jiberdi. Іz-tússiz joǵalý jaıty bolǵandyqtan, tez arada aman-esen tabýǵa eriktiler de tartyldy. Tipti, tártip saqshylary joǵalǵan áıeldiń aıryqsha belgilerin jazyp, sýretimen birge buqaralyq aqparat quraldaryna joldady. Sonymen qatar, Túrkistan oblysy Polıtsııa departamentiniń áleýmettik jelidegi Facebook pen Instagram paraqshalarynda da jarııalandy.
«Іz-túzsiz ketken áıel Nur-Sultan qalasynan tabyldy. Polıtseıler kelinshekpen baılanysqa shyǵyp, kúıeýiniń joǵalý jaıty boıynsha aryzdanǵanyn jetkizdi. Oǵan zań aıasynda tıisti túsindirý jumystary júrgizildi. Tabylǵan áıel eshkimge qoıar aryz-shaǵymy joq ekenin, Nur-Sultanda aman-esen óz erkimen turyp jatqanyn jetkizgen» - delingen Túrkistan oblysynyń polıtsııa departamenti taratqan habarlamada.
Belgili bolǵandaı6 áıel kúıeýimen arasynda bolǵan otbasylyq kelispeýshiliktiń saldarynan jaqyndaryna aıtpaı ketip qalǵan.
Aıta keteıik, búgin tańerteń, Túrkistan oblysynda 42 jastaǵy áıel jıyrma kúnnen beri tabylmaı jatqany týraly habarlanǵan bolatyn.
