Túrkistan oblysynda iz-túzsiz ketken kelinshek tabyldy
SARYAǴASh. QazAqparat - Túrkistan oblysynyń polıtseıleri joǵalǵan áıeldi tapty, dep habarlaıdy QazAqparat.
Saryaǵash polıtsııasyna jergilikti turǵyn aryzdanyp keledi. Ol óziniń aryzynda áıeliniń joǵalyp ketkenin kórsetken.
Atalǵan derekti polıtseıler birden tirkeýge alady. Sodan tártip saqshylary kúıeýinen oqıǵanyń qalaı bolǵanyn suraıdy.
Surastyrý barysynda Saryaǵash qalasynda ornalasqan avtobeketten eri zaıybyn sińlisiniń úıine taksıge salyp jibergenin aıtqan.
Alaıda joǵalǵan áıeli ol mekenjaıda bolmaı shyqqan.
Shuǵyl izdestirýdiń nátıjesinde saryaǵashtyq jedel ýákilder joǵalǵan áıeldi Túrkistan oblysynda ornalasqan Kelintaý aýylynan tapty.
Qazirgi tańda polıtsııa qyzmetkerleri oqıǵanyń qalaı bolǵanyn anyqtap jatyr.
Óz kezeginde tabylǵan áıeldiń jubaıy Saryaǵash polıtseılerine, onyń ishinde polıtsııa kapıtany Nursultan Idyshevqa jubaıyn izdestirý kezinde kórsetken jedeldigi men kásibıligi úshin shynaıy alǵysyn aıtty.
