Túrkistan oblysynda iri týrıstik keshen salynyp jatyr

ORDABASY. QazAqparat - Halyqaralyq «Batys Eýropa - Batys Qytaı» avtojoly boıynda dańqty balýan, kúsh atasy - Qajymuqan Muńaıtpasuly atyndaǵy iri týrıstik keshen salynýda. Jalpy quny 1 mlrd. 375 myń teńgeni quraıtyn qurylys jumystary keler jyly aıaqtalady, – dep habarlaıdy QazAqparat tilshisi.

Sondaı-aq qazaq ultynyń qalyptasý kezeńinde úsh júzdiń basy qosylǵan Ordabasy taýyndaǵy «Ordabasy» ulttyq tarıhı-mádenı qoryǵy aýmaǵynan Vızıt-ortalyqtyń qurylysy bastaldy.

«Elbasy N.Á.Nazarbaevtyń «Bolashaqqa baǵdar: Rýhanı jańǵyrý» atty baǵdarlamalyq maqalasy aıasynda irgetasy qalanǵan «Ordabasy sapar» ortalyǵynyń jobalyq quny 1 mlrd. 63 mln. teńge qurap otyr. Basty maqsat – týrısterge sapaly qyzmet kórsetý. Sonymen qatar, aýdanda medıtsınalyq týrızmdi damytýǵa da den qoıýdamyz», - dedi Ordabasy aýdanynyń ákimi Baǵlan Batyrshaev.

Jalpy aýdanda búgingi kúni aýyl sharýashylyǵymen aınalysýshylar qatary da artyp keledi. Bir alqaptan eki ret ónim alyp jatqan sharýalarda kóp. Eki júzge jýyq sharýa qojalyq ıeleri 517 gektar jerge birinshi ret egilgen daqyldan 10 myń 379 tonna ónim alsa, ekinshi ret sebilgen daqyldyń ónim kólemi 3 myń 816 tonnany quraǵan. Jalpy aýdanda 87 gektar jylyjaı bar.