Túrkistan oblysynda iri sýpermarketter men óndirýshilerge 0,01% nesıe beriledi
TÚRKІSTAN. QazAqparat - Túrkistan oblysynda áleýmettik mańyzy bar azyq-túlik taýarlarynyń tıisti qoryn qalyptastyryp, baǵalaryn retteý maqsatynda birneshe baǵytta jumystar atqarylady. Іri sýpermarketter men óndirýshilerge jyldyq 0,01% mólsherlememen bir jylǵa nesıe beriledi. Bul týraly Óńirlik kommýnıkatsııalar qyzmetin ótken brıfıngte oblystyq Kásipkerler áleýmettik palatasynyń dırektory Baǵlan Jumashbekov málimdedi.
Onyń aıtýynsha, qorǵa qajetti taýarlardy satyp alý boıynsha 650 mln teńgege jýyq qarjy qarastyrylǵan.
«Aınalym qarajaty» jobasyn júzege asyrý aıasynda birinshi kezekte Túrkistan, Kentaý jáne Arys qalalary ákimdikteriniń usynǵan 10 kásipkerlik sýbektisine nesıe berý máselesi pysyqtalýda. Nesıe iri sýpermarketter men óndirýshilerge jyldyq 0,01 paıyzdyq mólsherlememen bir jylǵa beriledi. Nesıe «Túrkistan» ÁKK» AQ depozıtine salynǵan qarajat esebinen beriledi. Nesıe berý kezinde baǵany turaqtandyrýǵa Túrkistan oblysynyń ákimdigi bekitken shekti mándermen belgilengen baǵadan 10% tómen ustap turý arqyly qol jetkiziledi», – dedi Baǵlan Jumashbekov.
Budan bólek Turaqtandyrý qory memleketik satyp alý jumystaryn atqarýda. Satyp alý boıynsha 1 500 tonna (kúrish, birinshi surypty un, qaraqumyq, kúnbaǵys maıy, rojkı, kartop, ashanalyq sábiz) shamasynda azyq-túlik taýarlaryn memlekettik satyp alýǵa tıisti konkýrs jarııalanǵan.
«Túrkistan» ÁKK» AQ Túrkistan qalasynyń ákimdigimen, Túrkistan oblysynyń aýylsharýashylyq basqarmasymen, sondaı-aq kásipkerlik sýbektimen Túrkistan qalasynda áleýmettik mańyzy bar taýarlar baǵalaryn turaqtandyrý boıynsha birlesken qyzmet týraly kelisim jasalǵan. Osy kelisim aıasynda taýarlardyń baǵasynyń kóterilýin boldyrmaýǵa jáne azyq-túlik taýarlarynyn úzdiksiz qamtamasyz etýge baǵyttalǵan birlesken sharalar kesheni josparlanǵan.
