Túrkistan oblysynda ırandyq kompanııa farmatsevtıkalyq zaýyt salady
«Óńirge arnaıy jumys saparymen kelgen mártebeli meımandar TMD elderi arasyndaǵy saparyn Qazaqstannan bastap otyr. Kompanııanyń mańyzdy jáne biregeı erekshelikteriniń biri - zertteýge ınvestıtsııa salý, sondaı-aq kadrlardy daıyndaýdaǵy turaqty umtylys. Farmatsevtıka salasynda básekelesteriniń aldyn orap úlgergen kompanııa 54 túrli dári-dármek shyǵarady. Sapaly ónimder eýropa naryǵyna jóneltilýde. Investor arasyndaǵy negizgi dánekershi - «Source Energy» kompanııasy», - delingen habarlamada.
Ákimdiktiń habarlaýynsha, búgingi kúni qyzmetkerlerdiń 30 paıyzy doktor, magıstr dárejesindegi jáne farmakologııa salasyndaǵy mamandar. Olar ǵylymı-zertteý, damytý jáne sapany baqylaýmen aınalysady. Niak farmatsevtıkalyq kompanııasy sońǵy GMP standarttaryna sáıkes №2 zaýytty damytýdy josparlap otyr.
«Men Sizderdiń bul bastamalaryńyzdy tolyq qoldaımyn. Mańyzdy qadam jasalyp jatqandyǵy anyq. Sondyqtan jumysqa esh alańsyz kirisýlerińizge bolady. Sizder úshin ındýstrııalyq aımaqty daıyndaımyz. Eýropalyq odaqtyń naryǵyna shyǵýdyń da tıimdi tustaryn atap ketýge bolady. Qazaqstan, Reseı, Belarýs, Qyrǵyzstan jáne Armenııaǵa óndirilgen dárilerdi esh kedergisiz jetkizesizder. Bul shamamen 200 mln halyqqa jol tartady degen sóz. Ekonomıkalyq aımaq retinde ózimizde de jeńildikter qarastyrylǵan. Keden beketterinen qıyndyqtar bolmaıdy. Sondyqtan belsendi túrde bilek túre iske kirisýge shaqyramyn. Bıýrokratııa bolmas úshin men ózim qadaǵalaımyn», - dedi J.Túımebaev.
Óz kezeginde, Iran ınvestorlary aımaq basshysyna rızashylyǵyn bildirdi. Kezdesýde ekijaqty memorandýmǵa qol qoıyldy. Mártebeli meımandar Túrkistanmen saýda-ekonomıkalyq baılanysty odan ári nyǵaıtýǵa nıetti ekenin jetkizdi.
