Túrkistan oblysynda halyqtyq keńse ashyldy
KELES. QazAqparat - Túrkistan oblysy, Keles aýdanyndaǵy polıtsııa janynan halyqtyq keńse ashyldy, dep habarlaıdy QazAqparat tilshisi.
Buǵan deıin dál osyndaı keńsi úsh aı buryn oblystyq Polıtsııa departamentiniń janynan ashylǵan bolatyn. Bul óz kezeginde azamattar úshin tıimdiligin, keri baılanys jasaý múmkindigin berip, nátıjesin kórsetti. Quqyq qorǵaý organy basshylyǵy osy bastamany odan ári damytyp, iske asyrý maqsatynda óńir boıynsha alǵash ret jańadan qurylǵan Keles aýdanynda ashyp otyr.
Atalǵan nysan tolyǵymen kompıýterlik tehnıkalarmen jáne jıhazdarmen, qazirgi zamannyń talabyna sáıkes jabdyqtalǵan. Onda azamattardy qabyldaýǵa barlyq jaǵdaı jasalyp, beınebaqylaý júıesi tartylǵan. Munda Keles aýdanynyń 150 myńǵa jýyq turǵyny óz máselelerin sheship, mamandardan túsindirmeler men keńesterin ala alady.
Qabyldanǵan aryzdar boıynsha jaýaptar berilip, ýaqytyly sheshimin tabatyn bolady. Azamattar tarapynan qoıylǵan aryz-saýaldarǵan aýdandyq PD-nen bastap, jergilikti polıtsııa qyzmetiniń, ákimshilik polıtsııa bólimshesiniń qyzmetkerleri men anyqtaýshylar, tergeýshiler jáne kóshi-qon qyzmeti tobynyń mamandary jaýap beretin bolady.
