Túrkistan oblysynda halyqaralyq sáýlet konkýrsy bastaldy
TÚRKІSTAN. QazAqparat - Túrkistan qalasynda shahardyń jańa áleýmettik jáne mádenı nysandarynyń kontsept-eskızderin daıyndaýǵa baǵyttalǵan «TURKISTAN ARCHITECT AWARDS» halyqaralyq sáýlet konkýrsy bastaldy, dep habarlaıdy QazAqparat tilshisi.
Atalǵan konkýrs Qazaqstan Respýblıkasy Premer-Mınıstiriniń birinshi orynbasary Asqar Mamınnyń tapsyrmasy boıynsha uıymdastyrylyp otyr. Baıqaý Qazaqstannyń rýhanı-mádenı ortalyǵynyń damýyna ımpýls beretin biregeı sáýlettik sheshimder ázirleıtin halyqaralyq jáne otandyq sáýletshilerdi qatystyrý maqsatymen ótkizilýde.
Oǵan qatysýshylarǵa bir aı kóleminde 15 joba boıynsha tolyqqandy sáýlettik eskızder ázirleý mindeti tqoıylǵan. Úmitkerler osy jobalar aıasynda sáýlettik ıdeıalaryn negizdeýmen birge nysandardyń taǵaıyndalý maqsatyn anyqtaýy tıis. ıAǵnı, ejelgi Túrkistannyń mádenıetin boıyna sińirgen biregeı sáýlettik ıdeıasy bar, sondaı-aq áleýmettik jáne mádenı nysandarǵa kelýshiler úshin qolaıly jaǵdaılar jasaýǵa baǵyttalǵan eń zamanaýı tıimdi sheshimderi men tehnologııalary bar jumystar úzdik dep tanylady. Uıymdastyrýshylardyń aıtýynsha, jańa nysandardy týrıstik tartymdylyqpen qamtamsyz etý óte mańyzdy bolyp sanalady jáne osy nysandar arqyly Túrkistan búkil ortalyq Azııa boıynsha týrıster eń kóp keletin qalalardyń biri bolýy tıis.
Aıta keteıik, «TURKISTAN ARCHITECT AWARDS» halyqaralyq sáýlet konkýrsy aǵymdaǵy jyldyń 26 qazanynan bastap 26 qarashasyna deıin bir kezeńde ótedi. Qatysýshylar konkýrstyq nysannyń ár sanatyna arnalǵan tehnıkalyq tapsyrmanyń barlyq talaptaryna sáıkes kontsept-joba daıyndaýy tıis. Konkýrs qatysýshylaryna jobalanýshy nysandar boıynsha aıryqsha sharttar jáne talaptarmen shekteý kórsetilmeıdi. Demek árbir qatysýshynyń óz shyǵarmashylyq ıdeıalaryn júzege asyrýǵa jáne negizdeýge tolyq erkindik beriledi.
Baıqaý qorytyndysy boıynsha árbir jeńimpaz óz nomınatsııasynda aqshalaı syılyqty ıelenedi jáne jeńiske jetken jobasyn jobalaýǵa eksklıýzıvti kelisimshart jasasý múmkindigine ıe bolady.
Konkýrsqa qatysýdyń tehnıkalyq tapsyrmasy men sharttary turkistan-awards.com saıtynda jarııalanǵan.
