Túrkistan oblysynda halyqaralyq izdeý jarııalanǵan 8 qylmysker ustaldy
TÚRKІSTAN. QazAqparat - Túrkistan oblysy PD Krımınaldyq polıtsııa qyzmetkerleri jedel-profılaktıkalyq is-sharasy aıasynda izdestirilip jatqan 16 qylmyskerdi ustady, olardyń 8-i halyqaralyq izdeýde bolǵan. Sondaı-aq buryn habar-osharsyz ketken 8 adamnyń meken-jaıyn anyqtady, dep habarlaıdy QazAqparat óńirlik PD baspasóz yqzmetine silteme jasap.
Іs-sharanyń negizgi maqsaty - tergeý organdary men sottan jasyrynyp júrgen qylmystyq quqyq buzýshylyqtar jasaǵany úshin izdestirilip jatqan adamdardy ustaý, habar-osharsyz ketken adamdardyń ornalasqan jerin anyqtaý, sondaı-aq tanylmaǵan máıitterdiń jeke basyn sáıkestendirý jónindegi is-sharalardy júrgizý.
Máselen, jedel-profılaktıkalyq shara barysynda Tólebı APB krımınaldyq polıtsııa qyzmetkerleri aýdan aýmaǵynda 2016 jyldan beri esirtki zattaryn tasymaldaǵany úshin halyqaralyq izdeýde júrgen Tájikstan Respýblıkasynyń azamatyn ustady. Qylmysker polıtsııa bólimine jetkizilip, qamaýǵa alyndy. Qazirgi ýaqytta tártip saqshylary istiń tolyq mán-jaıyn anyqtaýda.
Taǵy bir izdestirilip jatqan qylmyskerdi Saryaǵash aýdandyq polıtsııa bóliminiń polıtseıleri ustady. Ol Ózbekstan Respýblıkasynyń Іshki ister organdary 2010 jyldan beri kontrabanda úshin izdestirip kelgen Qazaqstan azamaty.
Sol kúni Túlkibas APB-niń polıtsııa qyzmetkerleri 2012 jyldan bastap Reseı Іshki ister mınıstrliginiń Zabaıkal okrýgi boıynsha basqarmasy esirtki zattaryn zańsyz saqtaǵany jáne tasymaldaǵany úshin izdestirip jatqan Qazaqstannyń basqa azamatyn ustady. Kúdikti qolhatta.
Atap óter jaıt Túrkistan oblysy PD polıtseıleri krımınaldyq polıtsııanyń sot tóreligi organdarynan jasyrynǵan jáne habar-osharsyz ketken adamdardy izdestirý jónindegi jumysy turaqty negizde júrgiziledi jáne aldaǵy ýaqytta da jalǵasatyn bolady.
