Túrkistan oblysynda gaz, sý, elektr energııasy máseleleri sheshimin tapqan – Ómirzaq Shókeev
«Táýelsizdik jyldaryndaǵy eń úlken jetistik – gaz, sý, elektr energııasy sekildi júıeli máseleler sheshimin taýyp, táýeldilikten arylýymyz boldy. Jeke sektor damydy, ónerkásiptiń qurylymy ózgerdi, biz biletin qıyn ekonomıkalyq kezeń artta qaldy», - dedi Ó. Shókeev Ortalyq kommýnıkatsııalar qyzmetinde ótken baspasóz máslıhatynda.
Óńir ákimi ońtústik óńirdi tabıǵı gazben qamtýǵa múmkindik beretin Beıneý-Bozoı-Shymkent magıstraldi gaz qubyry salynǵanyn atap ótti.
«Bul qubyr jalpy ımporttyq gaz táýeldiliginen birjola aryltty. Osy gaz qubyry arqasynda tek qana Qytaı memleketine gaz eksporttaý emes, jalpy ózimizdiń ishki suranymyzdy qanaǵattandyrýǵa múmkindik berdi. 240 eldimeken gaz tutynady. Aldaǵy ýaqytta taǵy 290 aýyldy gazǵa qosý josparlanyp otyr», - dedi Ó. Shókeev.
Tabıǵı gazben qamtý boıynsha 2021 jyly 89 nysannyń qurylysyna 14,4 mlrd teńge bólinip, onyń ishinde 29 nysan paıdalanýǵa beriledi. Jyl qorytyndysynda 448 eldimeken nemese 1 mln 340 myń halyq tabıǵı gazdy qosýǵa múmkindik alady.
Aldaǵy 5 jylda qosymsha 299 eldimeken tabıǵı gazǵa qosylyp, qamtý deńgeıi 85,6%-ǵa jetkiziledi.
Buǵan deıin Ó. Shókeev Táýelsizdik jyldary Túrkistan oblysynda iske asyrylǵan mańyzdy jobalar týraly aıtqan edi.