Túrkistan oblysynda farmatsevtıkalyq baqylaý departamentiniń ókili para aldy degen kúdikke ilindi

NUR-SULTAN. QazAqparat - Túrkistan oblysynyń Medıtsınalyq jáne farmatsevtıkalyq baqylaý departamentiniń laýazymdy tulǵasy para aldy degen kúdikke ilindi, dep habarlaıdy QazAqparat QR Sybaılas jemqorlyqqa qarsy is-qımyl agenttiginiń Telegram kanalyna silteme jasap.

Shymkent qalasy boıynsha Sybaılas jemqorlyqqa qarsy qyzmeti Túrkistan oblysynyń Medıtsınalyq jáne farmatsevtıkalyq baqylaý Departamentiniń laýazymdy tulǵasyna qatysty deldaldar arqyly júıeli negizde medıtsınalyq qyzmetke lıtsenzııa bergeni úshin jeke medıtsınalyq ortalyqtardyń ókilderinen 800 myń teńge somasynda para alý faktisi boıynsha sotqa deıingi tergeýdi bastady.

«Kúdiktiler QPK-niń 128-baby tártibinde ustaldy»,-delingen habarlamada.