Túrkistan oblysynda etnosaralyq turaqtylyq máseleleri talqylandy
TÚRKІSTAN. QazAqparat – Túrkistan oblysynyń prokýratýrasy men oblys ákimdiginiń «Qoǵamdyq kelisim» mekemesi onlaın formatta semınar-trenıng ótkizdi. Basqosýda etnosaralyq turaqtylyqty saqtaý men janjaldardyń aldyn alý, olardyń paıda bolý sebepteri talqylandy, dep habarlaıdy QazAqparat tilshisi.
Semınar jumysyna prokýratýra men polıtsııa, ulttyq qaýipsizdik jáne ákimdik qyzmetkerleri qatysty. Basqosýda ultaralyq kelisim salasyndaǵy mamandar men professor-etnograftar, tarıh ǵylymdarynyń doktory sóz sóıledi. Elimizge barlyq etnostardyń kelý tarıhyn jáne ózara qarym-qatynastardyń damý satylaryn, olardyń ózindik ereksheligin ashyp aıtty. Sońǵy ýaqytta týyndaıtyn etnosaralyq janjaldarǵa toqtaldy. Dáriskerler qazaq halqy men basqa da etnostar tarıhynyń osyndaı destrýktıvti kórinisterdiń aldyn alýdaǵy, kórshilerin urysýǵa tyrysatyn adamdar tobynyń ózderiniń merkantıldi mindetterin sheshýdegi faktory jáne kepili retinde uqsastyǵyn atap ótti. Etnosaralyq qaqtyǵystardyń aldyn alýdyń zamanaýı ádisteri men modelderi, memlekettik organdardyń ózara is-qımylynyń erekshelikteri talqylandy. Semınar-trenıngke qatysýshylar Etnosaralyq qaqtyǵystardy boldyrmaý boıynsha tıimdi sharalar qabyldaýda usynystar men kómek aldy. Aıta keteıik, mundaı onlaın formattaǵy semınar-trenıng Túrkistan oblysynda alǵash ret ótkizilip otyr. Qatysýshylar osyndaı formatta dıalogty jalǵastyrý týraly tilekterin bildirip, oń baǵasyn berdi.
