Túrkistan oblysynda eski qalashyqtyń orny tabyldy
Úlken aýmaqty alyp jatqan órkenıet ordasy búginde zerttelýde. Sondaı-aq arheologtar sol aımaqtaǵy Myńtóbe qorymynan tabylǵan dúnıelerdi qundy jádigerge balap otyr.
«1800 jyldan astam tarıhy bar kıeli nysanda júrgizilgen jumystar barysynda sol dáýirdiń mádenıetin anyqtaýǵa basa mán berilmek. Qazirdiń ózinde bul jerden qysh ydystar men sadaq jebesiniń basy tabyldy. Bul qańly dáýiri kezindegi ejelgi dinı nanym-senimder týraly bilýge mol múmkindik beredi. Sondaı-aq sol mańnan Kúltóbe qalashyǵynyń ornyn taptyq», – deıdi Q.A.ıAsaýı atyndaǵy HQTÝ-dyń jetekshi ǵylymı qyzmetkeri, phd doktory Mýzaffar Gýrsoı.
Arheologtar kóne qalashyq tabylǵan eń bıik núkteni úlken qurylys nysany bolǵan dep boljap otyr. Sebebi qazba barysynda kesekten salynǵan qabyrǵalar anyqtalǵan. Al osy jerden shyqqan qysh ydystardyń VIII-IX ǵasyrlarǵa tıesili ekenin aıtady.
Arheologııalyq qazba jumystary ári qaraı jalǵasatyn bolady. Qalashyq jáne qorym mańynan tabylǵan jádigerler arnaıy mamandardyń zerthanalyq saraptamasynan ótken soń mýzeı qoryna tapsyrylady.
