Túrkistan oblysynda esirtki jarnamalaǵan 214 saıt anyqtaldy
Jalpy, Túrkistan óńiri boıynsha 9 aı ishinde 165 esirtki qylmysy tirkelgen. Sondaı-aq, 208 esirtki teris qylyqtary anyqtalyp otyr. Onyń ishinde 19-y esirtki satý bolsa, 19-y – asa iri kólemde esirtki zatyn saqtaý, 55-i – esirtki kontrabandasy.
«Jyl basynan beri Túrkistan oblysy polıtsııa departamentiniń Esirtki qylmysyna qarsy is-qımyl basqarmasynyń polıtseıleri zańsyz áreketpen aınalysqan 214 saıtty anyqtap, buǵattaý boıynsha sheshim qabyldaýǵa quzyretti memlekettik organǵa joldady. Oblys aýmaǵynda esirtki ósimdigin ekken 69 derek anyqtaldy. Sondaı-aq, 200 myń túpten astam sora ósimdigi tabylyp, joıyldy. Zańsyz aınalymnan 1,5 tonnaǵa jýyq túrli esirtkiler tárkilendi», - delingen Túrkistan oblysy polıtsııa departamentiniń baspasóz qyzmeti taratqan aqparatta.
