Túrkistan oblysynda esirtki saýdalaǵan erli-zaıyptylar 15 jylǵa sottalýy múmkin
Oblystyq PD baspasóz qyzmetiniń málimetinshe, Krımınaldyq polıtsııa basqarmasyna Túrkistan qalasynyń turǵyndary esirtki satýmen aınalysatyny týraly aqparat kelip túsken. Jedel-izdestirý is-sharasy barysynda tártip saqshylary esirtki zatyn ótkizdi degen kúdikpen oblys ortalyǵynyń turǵyndaryn ustaǵan. Belgili bolǵandaı, er adam men onyń jubaıy uzaq ýaqyt boıy marıhýana satýmen aınalysyp kelgen. Sot-krımınalıstıkalyq saraptamasyna sáıkes, tárkilengen esirtki zaty jalpy salmaǵy 100 gramm bolatyn keptirilgen marıhýana bolyp shyqty.
«Atalǵan jaıt QR QK-niń 297-babynyń 3-bóligimen «Esirtkilik jáne júıkege áser etetin zattardy, sol tektesterdi ótkizý maqsatynda zańsyz daıyndaý, óńdeý, ıemdenip alý, saqtaý, tasymaldaý, jóneltý nemese satý» boıynsha tirkeldi.
Kúdiktiler qamaýǵa alynyp, qazirgi ýaqytta sotqa deıingi tergeý amaldary júrgizilýde. Osy baptyń sanktsııasyna sáıkes, kúdikti jup esirtkini saqtaý jáne ótkizý úshin 15 jylǵa deıin bas bostandyǵynan aıyrylýy múmkin» delingen habarlamada.