Túrkistan oblysynda esirtki saqtaǵan zeınetker sottaldy

TÚRKІSTAN. QazAqparat - Túrkistan oblysynda esirtki zattaryn saqtaǵan qarııaǵa qatysty sot úkimi shyqty, dep habarlaıdy QazAqparat tilshisi.

Kúdikti Qylmystyq kodekstiń 296-babynda kózdelgen «Esirtki, psıhotroptyq zattarmen, sol tektestermen ótkizý maqsatynsyz zańsyz jumys isteý» boıynsha qylmysty jasaǵany úshin kináli dep tanyldy. «Qarasora» jedel-profılaktıkalyq is-sharasy aıasynda Túrkistan oblysy polıtsııa departamentiniń esirtki qylmysyna qarsy is-qımyl basqarmasynyń qyzmetkerleri esirtki zattaryn saqtaǵan qarııany ustaǵan bolatyn.

«Jedel ýákilder shuǵyl izdestirý sharalary barysynda Keles aýdany aýyldarynyń birinde»Prıora» avtokóligin toqtatty. Polıtsııa qyzmetkerleri tintý kezinde ósimdik tektes zat salynǵan paketti tapty. Alynǵan zattaı dáleldemeler saraptamaǵa jiberildi. Qorytyndyǵa sáıkes, tárkilengen esirtki jalpy salmaǵy 1 keliden asatyn»kóknár«bolyp shyqty. Egde jastaǵy er adam bul áreketin moıyndap, esirtkini ózi tutynýy úshin saqtaǵanyn jetkizdi» - delingen Túrkistan oblysy polıtsııa departamentiniń baspasóz qyzmeti taratqan aqparatta.

Sot úkimimen sottalýshyǵa 3 jyl bas bostandyǵyn shekteý túrindegi jaza taǵaıyndaldy.