Túrkistan oblysynda eriktiler saqtyq sharalaryn júrgizýge qolǵabys etýde

TÚRKІSTAN. QazAqparat – Túrkistan oblysynyń eriktileri óńirde saqtyq sharalaryn júrgizýge qolǵabys etýde. Tóle bı aýdanynda jastar halyq kóp shoǵyrlanatyn ortalyqtar men bazarlarda, avtobekette betperde taratýda, dep habarlaıdy QazAqparat tilshisi.

Tóle bı aýdanyndaǵy medıtsına kolledjiniń eriktileri 100 dana medıtsınalyq saqtyq betperdesin qoldan tigip, kópbalaly otbasylaryna berýde. Jastar sondaı-aq, qoǵamdyq oryndarda arnaıy daıyndalǵan jadynamalardy taratýda. Soynmen qatar, túsindirý jumystarymen de aınalysaldy.

Al, Sozaq aýdany Іshki saıasat bóliminiń «Jastar resýrstyq ortalyǵy» men «JasOtan» jastar qanatynyń jáne «Value» volonterler uıymynyń uıymdastyrýymen Qaınar aýylyndaǵy otbasyna kómek kórsetildi. Turmysy tómen otbasy bir rettik azyq-túlikpen qamtamasyz etilip, januıa músheleri der kezinde qoldaý kórsetken jastarǵa alǵys aıtty.