Túrkistan oblysynda er adam zeınetker áıeldi tirideı órtep jiberdi
NUR-SULTAN. QazAqparat - Kisi óltirý oqıǵasy Shymkentten nebary 30 shaqyrym jerde ornalasqan Saıram aýdanynda boldy, dep habarlaıdy QazAqparat OTYRAR saıtyna silteme jasap.
Túrkistan oblysy polıtsııa departamentinen habarlanǵandaı, er adamdar arasynda janjal shyǵyp, biri ekinshisin soqqyǵa jyqqan. Osydan keıin er adam mas kúıinde ózin urǵan erkektiń úıine baryp, aýlaǵa kirip, úıdiń terezesin syndyrdy. Osy kezde úıden egde jastaǵy áıel shyqty. Mas er adam onyń ústine benzın quıyp, órtep jibergen.
Jedel izdestirý sharalary barysynda eki kúdikti de ustaldy.
Olardyń birine qatysty QR Qylmystyq kodekstiń 293-baby («Buzaqylyq») boıynsha qylmystyq is qozǵalyp, sot sheshimimen ol kepilge aqsha tóleýmen bosatyldy.
Ekinshisine qatysty Qylmystyq kodekstiń 99-baby («Adam óltirý») boıynsha sotqa deıingi tergeý amaldary júrgizilýde. Kúdikti ýaqytsha ustaý oqshaýlaǵyshyna qamaldy.
«Arnaıy ekspertızalar taǵaıyndaldy. Oqıǵanyń barlyq mán-jaıy anyqtalyp jatyr. Oqıǵa turmystyq sıpatta bolǵan», - dep habarlady Túrkistan oblysynyń polıtsııa departamentinen.
