Túrkistan oblysynda er adam kóshede qarý ustap júrgen

KELES. QazAqparat – Túrkistan oblysynda kóshede júrgen eki er adamnan qarý tabyldy, dep habarlaıdy QazAqparat.
None
None

Oqıǵalardyń biri Keles aýdanynda bolǵan. Aýdandyq polıtsııa bóliminiń jedel ýákili Ramazan Shalqar «Qarý» reıdi aıasyndaǵy kezekshiligi barysynda avtoturaqtardyń birinen qolynda qarýǵa uqsas zaty bar jas jigitti kórgen.

«Birden áreket etken polıtseı, tekserý kezinde turǵynnan «MR-371» markaly tapansha qarýyn anyqtap, aıǵaqty zat retinde tárkilep aldy. Sodan oqıǵa ornyna jedel-tergeý tobyn shaqyrdy. Atalǵan derekti Keles aýdandyq polıtsııa bóliminiń qyzmetkerleri sotqa deıingi tergep-tekserý tizilimine QR QK-niń 287-babymen («Qarýdy, oq-dárilerdi, jarylǵysh zattardy jáne jarylys qurylǵylaryn zańsyz ıemdený, berý, ótkizý, saqtaý, tasymaldaý nemese alyp júrý») tirkedi», - dedi Túrkistan oblystyq Polıtsııa departamentinen.

Kúdikti jergilikti turǵyn bolyp shyqty. Mal baǵýmen aınalysatyn ol, qarýdy qyrdan taýyp alǵanyn jetkizgen. Saraptama taǵaıyndaldy. Er adamǵa qatysty «qolhat alý» bultartpaý sharasy qoldanyldy.

Osyǵan uqsas taǵy bir jaıt Abaı aýyly kósheleriniń birinde boldy.

«Profılaktıkalyq jumys jasap, qyzmette júrgen jedel ýákil Murat Janádilov, kóshe boıynda kúdik týdyrǵan er adamdy toqtatqan. Tekserý kezinde onyń qol sómkesinen gazdy tapansha tabylyp, tárkilenip alynady. Bul jaıt QR QK-niń 287-babynyń 2-bóligimen tirkeýge alynyp, tergep-tekserý amaldary bastaldy», - delingen baspasóz habaralamasynda.

Polıtseıler onyń qarýdy ne úshin saqtaǵanyn, basqa da qylmystarǵa qatysy bar-joǵyn anyqtaýda. Oǵan qatysty «kelý týraly mindettemede» bultartpaý sharasy qoldanyldy.


Сейчас читают