Túrkistan oblysynda epıdemıologııalyq jaǵdaı turaqty
Jańa qaýly boıynsha epıdemıologtar aýrýmen qatynasta bolǵandardyń sımptomdary bolǵan kezde ǵana tirkeýge alady. Sondaı-aq, qyzmettiń barlyq túrleri úshin «sary» aımaqtaǵy shekteýler alynyp tastaldy.
«Elimiz boıynsha karantın talaptary birshama jeńildedi. Budan bylaı COVID-19 ınfektsııasymen aýyrǵan adammen qarym-qatynasta bolǵandarda aýrý belgileri bolmasa oqshaýlaýǵa alynbaıdy. Aýrýmen qarym-qatynasta bolǵandarda «ASHYQ» baǵdarlamasynda «sary» mártebe belgisi bolatyn. Sońǵy qaýly boıynsha baǵdarlamadan «sary» degen mártebe alynyp tastaldy. Azamattar nysanǵa kirerde tek qana «kók», «jasyl», «qyzyl» mártebelermen ǵana anyqtalatyn bolady», - dedi Túrkistan oblysynyń SEBD basshysy N. Nyshanov.
Sonymen qatar «Komırnatı» (Pfaızer) vaktsınasyn qoldana otyryp, vaktsınatsııalaýǵa jatatyn adamdardyń tizbesi keńeıtilip otyr. Tizbege birinshi, ekinshi jáne úshinshi toptaǵy múgedektigi barlar jáne birinshi kýrsty aıaqtaý úshin, shetelde vaktsınanyń birinshi dozasyn alǵan adamdar kiredi.
Revaktsınatsııalaný úshin de «Komırnatı» vaktsınasyn múmkindigi shekteýli azamattar men 50 jastaǵy jáne odan joǵary jastaǵy adamdar saldyra aldy.
Buǵan deıin, el aýmaǵyna kirý úshin shekara ótý beketterinde barlyq azamattar PTR synama tapsyratyn. Qazirgi qaýlyǵa sáıkes, revaktsınatsııa alǵan nemese ekinshi komponentti alǵannan keıin 6 aı ótpese, PTR-test júrgizý talap etilmeıdi.
«Buǵan deıin, vırýs synyptaǵy bir oqýshydan anyqtalǵanda, baılanysta bolǵandardyń barlyǵynan PTsR synamasy alynyp, úı karantınine jiberiletin. Mektepke nemese balabaqshaǵa balalaryn ertip barǵan ata-analar nemese zańdy ókilderiniń ǵımaratqa kirýine tyıym salynǵan bolatyn. Sońǵy qaýly boıynsha bul tyıymnyń da kúshi joıyldy» - dedi oblystyń bas epıdemıology.
Oblystyń bas sanıtary karantın talaptary jeńldetilgenmen, bosańsýǵa bolmaıtynyn aıtyp ótti. Betperde taǵý, áleýmettik ara-qashyqtyqty saqtaý, kópshilik jınalatyn oryndardan múmkindiginshe bas tartý sekildi rejımder saqtalýy tıis.
«Qazirgi kezde oblysta koronavırýsqa qarsy vaktsınanyń eki komponentin alǵandar sany 99,9% qurap otyr. Bul óńir turǵyndary arasynda belgili bir ımmýnıtettiń qalyptasqanyn bildiredi. Ujymdyq ımmýnıtetti kúsheıtý úshin revaktsınatsııalaý jumystary da josparly túrde júzege asýda. Qazirgi tańda 371 897 adam revaktsına aldy. «Komırnatı» vaktsınasynyń І komponentin 186 230 (69,7%), ІІ komponentti 132 943 (49,7%) turǵyn saldyrdy» - dedi N. Nyshanov.