Túrkistan oblysynda epıdemıologııalyq jaǵdaı turaqtandy
TÚRKІSTAN. QazAqparat - Túrkistan oblysynda epıdemıologııalyq jaǵdaı turaqtanyp, koronavırýstyq ınfektsııanyń rastalǵan 2663 jaǵdaıy tirkeldi.
Bul týraly Túrkistan oblysynyń ákimi Ómirzaq Shókeevtiń tóraǵalyq etýimen ótken lezdemelik jıynda aıtyldy, dep habarlaıdy QazAqparat tilshisi.
Sala mamandarynyń málimetinshe, sońǵy birneshe kún boıy bir kúndik ósim 0.9 paıyzdy quraǵan. Sońǵy 1 aptanyń aralyǵynda aýrýshańdyq aldyńǵy aptamen salystyrǵanda 14,2 paıyzǵa tómendegen. ıAǵnı, aýrýshańdyqtyń tómendeý úrdisi baıqalady. Іndet oblystyń barlyq aýdan, qalalarynda tirkelgen. Búgingi tańda oblys boıynsha 2134 adam koronavırýstyq ınfektsııadan jazylyp shyqqan.
Infektsııalyq statsıonarlarda 124 naýqas emdelip, sımptomdary joq 569 tasymaldaýshy ambýlatorııalyq em qabyldaýda. Oblys basshysy karantın rejımi talaptarynyń qatań oryndalýyn monıtorıngileý boıynsha mobıldi toptyń jumysyn jandandyryp, qoǵamdyq oryndarda dezınfektsııalaý jumystaryn kúsheıtýdi tapsyrdy.
