Túrkistan oblysynda enesiniń atyna nesıe rásimdegen jas kelin ustaldy

TÚRKІSTAN. QazAqparat - Ordabasy aýdany polıtsııa bólimine aryzdanǵan jergilikti turǵyn alaıaqtyqtyń qurbany bolǵandyǵyn jetkizgen. Jábirlenýshi áıeldiń aıtýynsha beıtanys bireý onyń atynan 880 000 teńge nesıe alǵan, - dep habarlaıdy QazAqparat tilshisi.

Tekserý jumystary nátıjesinde polıtseıler osy qylmysqa qatysty kúdiktini anyqtap, ony turǵylyqty meken-jaıynan ustady. Ol jábirlenýshiniń kelini bolyp shyqty. ıAǵnı, kúdikti enesiniń atynan nesıe rásimdep, alǵan aqshany óz qajetine jaratyp jibergen. Sondaı-aq, kúdiktiniń budan aldyn da urlyq jaıty boıynsha sotty bolǵany rastaldy.

Qazirgi tańda jas kelinge qatysty sotqa deıingi tergeý amaldary júrgizilýde.