Túrkistan oblysynda elektr energııasynyń tapshylyǵy tirkeldi
TÚRKІSTAN. QazAqparat - Túrkistan oblysynyń elektr jelilerinde aǵymdaǵy jyldyń 2 qarashasynan bastap elektr energııasy men qýatynyń tapshylyǵy tirkeldi, dep habarlaıdy QazAqparat tilshisi.
Sebebi, «KEGOC» AQ óndirýshi qýattardyń tapshylyǵynan jáne 500 kVt-tyq «Soltústik-Ońtústik» tranzıtiniń artyq júktelýine jol bermeý úshin májbúrli túrde shektegen. Endi elektr energııasynyń tapshylyǵyn joıý maqsatynda kelisimder júrýde. Bul týraly Túrkistan oblysynyń energetıka jáne turǵyn úı-kommýnaldyq sharýashylyq basqarma basshysynyń orynbasary Ashat Berdihanov málimdedi.
«Atalǵan másele QR Energetıka mınıstrliginde sheshilýde. Jambyl GRES-ń generatsııasyn 800 MVt-qa deıin arttyrý maqsatynda qosymsha energııa bloktaryn iske qosý jumystary júrýde. Sondaı-aq, «Energopotok» JShS JGRES-pen elektr energııasynyń qosymsha kólemin jetkizý boıynsha kelisimderge qol qoıyldy», - dedi Ashat Ermekuly.
