Túrkistan oblysynda ekpe alǵandardyń qatary mıllıonǵa jýyqtady

TÚRKІSTAN. QazAqparat - Túrkistan oblysynda ekpe alǵandardyń qatary mıllıonǵa jýyqtady. Sońǵy táýlikte óńirde 548 adam vaktsına saldyrǵan, dep habarlaıdy QazAqparat tilshisi.

Vaktsınanyń alǵashqy komponentin 974586 adam saldyrsa, ekinshi komponentin 908895 turǵyn qabyldaǵan. Keıingi táýlikte 548 adam ekpe saldyrýǵa nıet bildirgen. Búginde oblys turǵyndary Spýtnık-V, QazVac jáne Sinopharm vaktsınalaryn qabyldaı alady. Óńirdegi epıdemıologııalyq ahýal da turaqtanyp keledi.

Máselen, sońǵy táýlikte aımaqta 24 adamnan COVID-19 vırýsy anyqtaldy. Táýliktik ósim 0,15% quraǵan. Jalpy oblysta pandemııa beleń alǵaly 1 102 294 myńǵa jýyq PTR-synamalary alynǵan. Juqpaly aýrýlar aýrýhanasynda barlyǵy 930 oryn bar. Onyń 635 –i bos. Jalpy, pandemııa bastalǵaly ınfektsııasy rastalǵan 15 291 jaǵdaı tirkeldi. Olardyń 7637-da aýrý sımptomsyz ótken bolatyn.