Túrkistan oblysynda eko-qala salynbaq
TÚRKІSTAN OBLYSY. QazAqparat -Túrkistan oblysynyń ákimi Janseıit Túımebaev Ońtústik Koreıa men Astanadan kelgen delegatsııamen kezdesti. Bul týraly QazAqparat ákimniń baspasóz qyzmetine silteme jasap habarlaıdy.
Onda taraptar aımaqtaǵy «Jasyl» ekonomıka jobalardyń iske asyrylý barysyn talqylady. «OŃTÚSTІK» AIO bastamasymen shaqyrylǵan delegatsııa quramynda Inchhon Ulttyq Ýnıversıtetiniń qurmetti professory, Nobel syılyǵynyń laýreaty Rae Kvon Chýng, Ońtústik Koreıalyq ǵalymdar ıÝ Djae Cheon jáne Kvang-Don Kım, Ekologııalyq uıymdar qaýymdastyǵy basqarmasynyń tóraǵasy Aıgúl Saǵadıbekqyzy, G-Global Jasyl ekonomıka jáne damý koalıtsııasynyń tóraǵasy Saltanat Rahımbekovalar boldy.
Kezdesý barysynda oblys ákimi qatysýshylardy óńirdi damytý josparlarymen tanystyra otyryp, oblys ortalyǵy Túrkistan qalasynyń bolashaqta túrki áleminiń aǵartýshylyq jáne rýhanı damý ortalyqtarynyń biri bolatynyn tilge tıek etti.
«Qazirgi ýaqytta Túrkistan qalasy, aımaqtyq ortalyq bola otyryp, ınfraqurylymdyq jobalardy eleýli túrde damytýdy talap etedi. Investıtsııa tartý durys uıymdastyrylsa, bolashaqta Orta Azııadaǵy ınvestıtsııalyq býmnyń eń belsendi núkteleriniń biri bola alatyn osy biregeı qalanyń damý áleýetin baǵalaý qajet» - dedi ol.
Kezdesýde Túrkistan aımaǵynda eko-qalalardy qurý jáne aımaqty energııamen jabdyqtaý, sondaı-aq SuperGrid arqyly asqan energııany uzaq qashyqtyqqa eksporttaýǵa baǵyttalǵan «Jasyl» energetıka salasyndaǵy jahandyq jobalar talqylandy.
Bul perspektıvaly jobalar aımaq basshysy tarapynan oń baǵa aldy jáne kezdesýden keıin oblys ákimi olardy damytý jáne engizý boıynsha jumys tobyn qurýdy tapsyrdy.
Qazaqstannyń «Jasyl» tujyrymdamasy sheńberinde aımaqtyń órshil mindetterin eskere otyryp, «OŃTÚSTІK» AIO Túrkistan aımaǵynda turmystyq qatty qaldyqtardy óńdeýdiń tujyrymdamalyq baǵdarlamasyn ázirlep, Túrkistanda pılottyq jobany iske asyrýdy usynǵan bolatyn.
Sapar barysynda Ońtústik Koreıalyq seriktester Túrkistan qalasyndaǵy qatty qaldyqtardyń morfologııasyn zerttep, yntymaqtastyq týraly usynystarǵa qyzyǵýshylyq tanytty. Nobel syılyǵy laýreatynyń kezekti sapary Túrkistan qalasyndaǵy «jasyl tehnologııalar» negizinde jobalardy iske asyrý úshin ınvestıtsııalar tartý jáne tehnologııalar transferti retinde bolýy josparlanýda.
Óńirge jasaǵan saparynda delegatsııa quramy M.Áýezov atyndaǵy ýnıversıtetinde uıymdastyrylatyn dóńgelek ústelge qatysyp, «Jasyl» ekonomıka úshin ınfraqurylym qurý týraly úsh jaqty memorandýmǵa qol qoıý kútilýde.
