Túrkistan oblysynda eki jumysshy janarmaıdan ýlanyp, aýrýhanaǵa tústi
QAZYǴURT. QazAqparat - Túrkistan oblysynyń órt sóndirýshileri janar-jaǵarmaı saqtaýǵa arnalǵan jertóledegi eki azamatqa kómek kórsetti, dep habarlaıdy QazAqparat.
7 mamyrda «112» qyzmetine shuǵyl habar túsken.
Oǵan sensek, Túrkistan oblysy Qazyǵurt aýdany Saraphana aýyl okrýginde Almaty-Termez avtojolynyń 757-shaqyrymynda «Janoıl» janarmaı quıý stansasynda eki adam zardap shekken.
Stansanyń janar-jaǵarmaı materıaldary tsısternasyn saqtaýǵa arnalǵan jertólesinde 1959 jáne 1987 jyly týǵan eki jumysshy tazartý jumysyn júrgizip jatqanda munaı óniminiń býynan ýlanǵany anyqtaldy.
Oqıǵa ornyna tótenshe jaǵdaılar departamentinen 9 qyzmetker men 3 tehnıka, polıtsııa departamentinen 5 qyzmetker, bir tehnıka jetti.
Olar zardap shekken eki azamatty qutqaryp, jedel járdem qyzmetkerlerine tapsyrdy.
Qazirgi tańda ýlanǵan eki azamat dárigerlerdiń baqylaýynda.
