Túrkistan oblysynda eki júk kóliginen koronavırýsty emdeýge arnalǵan dáriler tárkilendi

NUR-SULTAN. QazAqparat - Túrkistan oblysynda Reseıden Ózbekstanǵa ketip bara jatqan eki júk kóliginen koronavırýs indetin emdeýde qoldanylatyn qujattary joq dári-dármekter men ottegi kontsentratorlary tárkilendi.

2020 jylǵy 1 tamyzda QR QM Qarjy monıtorıngi komıtetiniń Túrkistan oblysy boıynsha Ekonomıkalyq tergeý departamenti «Atameken» jáne «Qazyǵurt» keden beketterinde shekara qyzmetimen birlesip otyryp, Reseı Federatsııasynan Ózbekstan Respýblıkasyna baǵyt alǵan «Volvo» jáne «MAN» markaly 2 júk kóligin kedendik baqylaýdan ótkizý barysynda júk tasymaldaý qujattarynda kórsetilmegen «Respiro», «DEDAKJ», Medical oxygen concentrator «AERTI», «Armed» 7F-3L», «Oxygen concentrator» jáne «Plusmed-KN01» markalaryndaǵy 7 dana ottegi kontsentratoryn anyqtady.

Bul jabdyq pnevmonııa jáne koronavırýs ınfektsııasy bar naýqastardy emdeýde belsendi qoldanylatyn preparattar.

«Atalǵan fakti departamenttiń AEK tirkelip, qylmystyq-protsessýaldyq kodekstiń 181-baby, 2 b. sáıkes (qylmystyq quqyq buzýshylyq týraly aryz, habar) ákimshilik jaýapqa tartý týraly máseleni qarastyrý úshin Túrkistan oblysy boıynsha Memleketik kirister departamentine jiberildi»,-delingen QR Qarjy mınıstrliginiń Qarjy monıtorıngi komıteti taratqan aqparatta.