Túrkistan oblysynda eki jeńil kólik soqtyǵysyp, 7 adam mert boldy
TÚRKІSTAN. QazAqparat – Túrkistan oblysynda polıtsııa qyzmetkerleri 7 adam qaza tapqan jol-kóli oqıǵasyna baılanysty tereýdi bastady, dep habarlaıdy QazAqparat Túrkistan oblysy polıtsııa departamentiniń baspasóz qyzmetine silteme jasap.
Búgin Sozaq aýdanynyń Ekpindi-Birlik avtojolynyń 144-531 shaqyrymynda eki jeńil avtokólik soqtyǵysty. Bul týraly habarlama aýdandyq polıtsııa bóliminiń 102 pýltine saǵat 11.20-da kelip tústi. Oqıǵa ornyna birden oblystyq Polıtsııa departamentiniń krımınalısteri men jedel tergeý toby shyqty. Polıtsııa qyzmetkerleri «Lada-Prıora» men «Folksvagen-Golftiń» soqtyǵysqanyn anyqtady. Oqıǵa ornynda 2 jeńil kólik júrgizýshisi men 5 jolaýshy kóz jumdy. Al jaraqat alǵan 1 adam aýdandyq aýrýhananyń jansaqtaý bólimine jatqyzyldy.
Atalǵan jaıt aýdandyq sotqa deıingi tergeýdiń biryńǵaı tizilimine QR QK-niń 345-baby 4-bóligi boıynsha tirkeldi. Sotqa deıingi tergeý bastaldy. Oqıǵa ornynda tergeý amaldary júrgizilýde. Polıtsııa qyzmetkerleri qaza bolǵandardyń kim ekenin, jol-kólik oqıǵasynyń barlyq mán-jaıyn anyqtaýda.
