Túrkistan oblysynda eki mekteptiń dırektory para aldy degen kúdikke ilindi

NUR-SULTAN. QazAqparat - Túrkistan oblysynda qorǵanys isteri jáne bilim berý salasyndaǵy birqatar sheneýnikter para aldy degen kúdikke ilikti, dep habarlaıdy QazAqparat QR Sybaılas jemqorlyqqa qarsy is-qımyl agenttigine silteme jasap.

Oblystyq qorǵanys isteri departamentiniń Otyrar aýdany boıynsha tobynyń bastyǵy áshkerelendi. Kúdikti QR Qarýly Kúshterinde qyzmet etý merzimin keshiktirý úshin 80 myń teńge para alǵan.

Jetisaı aýdany №15 orta mektebiniń dırektory eńbek shartyn uzartý úshin 200 myń teńge mólsherinde para aldy degen kúdikke ilikken.
Eden jýýshy retinde jumysqa qabyldaý úshin 150 myń teńge para aldy degen kúdikpen Maqtaaral aýdany №34 mektebiniń dırektoryna qatysty tergeý bastaldy.
Joǵarydaǵy derekter boıynsha sotqa deıingi tergep-tekserý júrip jatyr. Kúdiktilerge qatysty sońǵy sheshimdi sot shyǵarady.