Túrkistan oblysynda eki balyqshy Syrdarııaǵa batyp ketti
TÚRKІSTAN. QazAqparat – Túrkistan oblysynda balyq aýlaýǵa shyqqan eki jigit Syrdarııa ózenine batyp ketken. Olardyń denesin izdestirýge Shymkentten qutqarýshylar shaqyrylǵan, dep habarlaıdy QazAqparat tilshisi.
Shymkent qalalyq TJD málimetinshe, Otyrar aýdanynyń 36 jáne 37 jastaǵy balyqshylary darııaǵa batyp ketkenin Sarykól aýylynyń turǵyndary habarlaǵan. Olar 7 shildede balyq aýlaý kezinde shamamen saǵat 18.00-de joǵalyp ketken. Oqıǵa ornyna jedel-qutqarý jasaǵynyń 6 qutqarýshysy qaıyǵymen jetken. Sondaı-aq, izdestirý jumystaryna Túrkistan oblysy TJD 3 qyzmetkeri men jergilikti atqarýshy organdarynyń 2 qyzmetkeri jáne 50 shaqty jergilikti turǵyn jumyldyrylǵan. Súńgýshiler balyqshylardy 8 metr tereńdikte izdestirip, túngi saǵat 22:00-de olardyń qaıyqtary tabyldy. Eki kún boıy qutuqarýshylar úzdiksiz izdestirý jumystaryn júrgizip, nátıjesinde 9 shilde saǵat 11:20-da 36 jastaǵy er adamdy, 10 shildede saǵat 09:21-de 37 jastaǵy balyqshynyń máıitin tapqan. Ony sýdan shyǵaryp, týystaryna tapsyrǵan.
Aıta keteıik, shomylý maýsymy bastalǵaly beri Shymkent qalasynyń qutqarýshylary Túrkistan oblysynda 14 ret sýda izdestirý júrgizip, sýǵa batqan 11 adamdy tapqan. Sýǵa ketkenderdiń ekeýi kámelet jasyna tolmaǵan balalar.
