Túrkistan oblysynda eki balasymen anasy gazdan ýlanyp kóz jumdy
TÚRKІSTAN. QazAqparat - Túrkistan oblysynda anasy men eki balasy gazdan ýlanyp kóz jumdy. Qaıǵyly jaǵdaı búgin Saıram aýdanyna qarasty Mankent aýylynda oryn alǵan, dep habarlaıdy QazAqparat tilshisi.
Oblystyq gaz taratýshy mekemeniń málimetinshe, úsh adamnyń ıisten ýlanyp qalǵanyn kórshileri baıqap qalǵan. Sóıtip jedel-járdem qyzmetin shaqyrǵan.
«Jedel járdem brıgadasy aýyldaǵy úıleriniń birine kelgende 1973 jylǵy áıel men 2006 jáne 2009 jyly eki balanyń ólgenin anyqtaǵan. Gaz qyzmetiniń avarııalyq brıgadasy oqıǵa ornyna keldi. Mamandar úıdegi murjany ornatýda birqatar kemshilik jiberilgenin anyqtady. Eki kontýrly jylý qazandyǵynyń tútin shyǵaratyn qubyry (gofra) qabyrǵa arqyly kóshege shyǵarylǵan. Sondaı-aq, tekserý kezinde tútin shyǵatyn qubyr eki kontýrly jylytý qazandyǵynan ajyrap qalǵany jáne qazandyqtyń jeldetkishi talapqa saı ornatylmaǵany anyqtaldy», - delingen habarlamada.
Qazirgi tańda qaıǵyly jaǵdaı boıynsha birqatar tekserý júrgizilip, qajetti sot-medıtsınalyq saraptama taǵaıyndaldy. Anasy men eki balasynyń qandaı jaǵdaıda qaıtys bolǵany tıisti saraptama qortyndysy shyqqan soń anyqtalatyn bolady.
