Túrkistan oblysynda eki bala men eki eresek adam koronavırýstan jazylyp shyqty
TÚRKІSTAN. QazAqparat – Túrkistan oblysynda taǵy 4 naýqas koronavırýs ınfektsııasynan jazylyp shyqty. Bul týraly oblystyq tótenshe jaǵdaı shtaby málimet taratty, dep habarlaıdy QazAqparat tilshisi.
Oblystyq shtabtyń málimetinshe, aýrýynan aıyqqandar arasynda eki búldirshin de bar.
«Maqtaaral aýdanyndaǵy Atakent aýylynyń 1991 jáne 1998 jyly týǵan turǵyndayr men 2017 jáne 2019 jyly týǵan qos búldirshin dertinen qulan-taza aıyǵyp, otbasylaryna oraldy. Bul naýqastar Nur-Sultan-Shymkent baǵytyndaǵy poıyzben kelgen jetisaılyq naýqastyń jaqyn týystary. Aıta keteıik, Túrkistan oblysy boıynsha dertten aıyqqan azamattar sany 11 adamǵa jetti» delingen habarlamada.
