Túrkistan oblysynda eki aýyldyń ataýy qazaqshalanady

ASTANA. QazAqparat – Túrkistan oblysyndaǵy Chıcherıno jáne QazSSR 40 jyldyǵy aýyldarynyń ataýy ózgerýi múmkin, dep habarlaıdy QazAqparat tilshisi.

«Saryaǵash aýdany Qaplanbek aýyldyq okrýgindegi Chıcherıno aýyly Sirgeli aýyly bolyp atalsyn. Maqtaaral aýdany Maqtaaral aýyldyq okrýgine qarasty QazSSR-niń 40 jyldyǵy aýylynyń ataýy Ál-Farabı aýyly bolyp ózgertilsin. Sheshimniń oryndalýyn baqylaý Túrkistan oblysy ákiminiń jetekshilik etetin orynbasaryna júktelsin», - delingen Ashyq NQA portalynda jarııalanǵan ákimdik qaýlysy men oblystyq máslıhattyń birlesken sheshim-jobasynda.

Qujat 25 shildege deıin kópshilik talqylaýda bolady.

Qosa ketsek, Túrkistan oblysyna jumys saparymen barǵan Parlament Májilisiniń depýtaty Ulasbek Sádibekovpen kezdesken Qusshy ata aýylynyń turǵyndary ekige bólinip ketken aýyldy biriktirý máselesin kóterdi.