Túrkistan oblysynda eki adam koronavırýsty shymkenttik týysynan juqtyrǵan

TÚRKІSTAN. QazAqparat - 2 sáýirde Túrkistan oblysynda koronavırýs juqtyrǵan taǵy 6 adam anyqtaldy. Jetisaı aýdanynan - 3, Kentaý qalasy -1, Ordabasy – 1, Saıram -1 naýqas tirkeldi, dep habarlaıdy QazAqparat oblys ákiminiń baspasóz qyzmetine silteme jasap.

Kentaýdan anyqtalǵan azamat Jetisaı aýdanynan shyqqan naýqaspen baılanysta bolǵan.

«Al Ordabasy men Saıram aýdanynyń eki turǵyny - Shymkent qalasynda dıagnozy rastalǵan azamattyń týystary. Naýqastar qazirgi ýaqytta oqshaýlanyp, em qabyldaýda. Atalǵan azamattarmen baılanysta bolǵandardy anyqtap, oqshaýlaý jumysy júrip jatyr» delingen habarlamada.

Aıta keteıik, búginde Túrkistan oblysynda koronavırýs indetimen jalpy 11 adam tirkelgen.