Túrkistan oblysynda eki adam gazdan ýlanyp kóz jumdy
TÚRKІSTAN. QazAqparat - Túrkistan oblysynda eki adam gazdan ýlanyp kóz jumdy. Qaıǵyly jaǵdaı Maqtaral aýdanyndaǵy Atakent kentinde oryn alǵan, dep habarlaıdy QazAqparat tilshisi.
Oblystaǵy gaz taratýshy mekemeniń habarlaýynsha, marqumdardyń máıiti 23 jeltoqsan kúni kúndizgi saǵat 12:50-de óz úılerinen tabylǵan. Qaıtys bolǵandar 21 jáne 29 jastaǵy er adamdar ekeni anyqtaldy.
«Oqıǵa ornyna kelgen avarııalyq-qutqarý brıgadasynyń málimetinshe, úıdiń ishinde ırandyq jylytý kamıni ornytylǵan. Onyń ıis shyǵaratyn murjasy shelekpen jabylǵany anyqtalǵan. Onyń ústine úıdiń ishine gaz qubyrlaryn tartý jónindegi kelisimsharttyń joqtyǵy belgili boldy. Qazir qaıǵyly jaǵdaıdyń sebep-saldary anyqtalyp jatyr», - delingen habarlamada.
