Túrkistan oblysynda dzıýdodan ashyq birinshilik ótýde
TÚRKІSTAN. QazAqparat – Túrkistan oblysy, Tólebı aýdanyndaǵy ortalyq sport kesheninde dzıýdodan №1 olımpıadalyq sport mektebiniń ashyq birinshiligi ótýde. Saıysqa óńirdiń barlyq aımaǵymen qatar Shymkent qalasynyń da balýandary qatysyp, ózara sheberlikterin baıqaýda, dep habarlaıdy QazAqparat tilshisi.
Jastar men jasóspirimder arasyndaǵy ótip jatqan balýandar básekesinde uldar 10 salmaq arasynda, qyzdar 7 salmaq dárejesinde myqtylardy anyqtaýda. Dzıýdo sheberleri saıysyna 328 sportshy, 15 komanda qatysýda. Jarystyń bas tóreshisi, halyqaralyq dárejedegi tóreshi Danııar Aıtymbetovtyń pikirinshe, bul jarys maýsym aıynda Shardarada dzıýdo kúresinen ótetin oblys chempıonatyna irikteý bolyp tabylady. Túrkistan oblysynyń namysyn 48 keli salmaqta qorǵaıtyn sport sheberligine úmitker Jupargúl Іztaeva bul jarysqa jan-jaqty daıyndyqpen kelipti. Balýan qyz bul jarysta bar kúsh-jigerlerin kórsetýde. Aıta keterligi, oblystyq №1 sport mektebiniń dırektory Berdaly Ádilbek bastaǵan ujym bul jarysty joǵary deńgeıde uıymdastyryp, jastardyń sport ónerine degen ynta-jigerlerin arttyrdy. Saıystyń jeńimpazdary maýsym aıynda Shardarada ótetin Qazaqstan chempıonatynda baqtaryn synaıtyn bolady.
