Túrkistan oblysynda densaýlyq saqtaý salasyn qarjylandyrýdy 104,8 mlrd teńgege deıin arttyrý josparlanyp otyr

TÚRKІSTAN. QazAqparat – Túrkistan oblysynda densaýlyq saqtaý salasyn qarjylandyrýdy 104,8 mlrd teńgege deıin arttyrý josparlanyp otyr. Bul týraly «Áleýmettik medıtsınalyq saqtandyrý qory» KEAQ Túrkistan oblysy boıynsha fılıalynyń dırektory Ashat Beısenbaev málimdedi, dep habarlaıdy QazAqparat tilshisi.

Ashat Beısenbaevtyń sózinshe, jańa júıeni engizý sharalaryn qosa alǵanda densaýlyq saqtaý salasynyń bıýdjet kólemi 2020 jyly el boıynsha 1 561,4 mlrd teńgeni quraıdy.

«Bul qarajattyń 573 mlrd teńgesi – MÁMS aýdarymdary bolyp tabylady. Qarjylandyrýdyń jalpy kólemi 2019 jylǵy deńgeıden 52%-ǵa artady. Túrkistan oblysy boıynsha 2020 jyly 104,8 mlrd teńge kóleminde qarjylandyrý josparlanýda. Bul 2019 jylǵy bıýdjetpen salystyrǵanda 1,4 ese joǵary. Sondaı-aq, TMKKK aıasynda – 66,9 mlrd teńge, MÁMS aıasynda – 37,9 mlrd teńge bólinedi», - dedi A.Beısenbaev.

Aıta keteıik, jyl basynan beri elimizdegi medıtsınalyq uıymdarǵa «Áleýmettik medıtsınalyq saqtandyrý qory» KEAQ tarapynan 761 mlrd teńge tólendi. Tegin medıtsınalyq kepildendirilgen kómek kólemi sheńberinde bólingen qarjy jyl basynan beri memlekettik tapsyrys boıynsha kórsetilgen qyzmetter úshin bólinip otyr.