Túrkistan oblysynda «Deni saý urpaq - Máńgilik eldiń kepili» atty shara ótti
TÚRKІSTAN. QazAqparat - Túrkistan oblysynda erekshe "Deni saý urpaq - Máńgilik eldiń kepili" atty shara ótti, dep habarlaıdy QazAqparat tilshisi.
"Halyqaralyq balalardy qorǵaý kúnine" oraı barlyq aýdan-qalalyq medıtsınalyq mekemelerinde uıymdastyrylǵan sharaǵa myńǵa tarta halyq qatysty.
Elimizdiń Densaýlyq saqtaý mınıstrligi bastamasymen jáne "Jol kartasy" aıasynda ótkizilgen festıval Túrkistan qalalyq ortalyq emhanasynda qorytyndylandy. Halyq arasynda medıtsınalyq saýattylyqty arttyrý men alǵashqy medıtsınalyq sanıtarlyq kómek kórsetý negizderin úıretý maqsatynda uıymdastyrylǵan sharaǵa oblys ákiminiń orynbasary Joldymurat Amanbaev pen Densaýlyq saqtaý basqarmasynyń basshysy Muqan Egizbaev, ata-analar men balalary qatysty. 
Aktsııa barysynda ashyq asqan astynda shatyrlar qurylyp, taǵamdar kórmesi el nazaryna usynylady. Sýret salý men ár túrli oıyndardan erekshe saıystar uıymdastyrylyp, 3-18 jas aralyǵyndaǵy balalar qatysty. Bas-aıaǵy 15-ke jýyq komanda jasaqtalyp, ózara myqtyny anyqtady. Baıqaý talaptary boıynsha analar men dárigerler balalardy durys tamaqtandyrý erejeleri boıynsha keńester berýden saıysty.
Sondaı- aq, balalar men júkti áıelder jáne jas analardyń qaýipti jaǵdaılarda tyǵyryqtan shyǵý joldaryna qatysty saýat ashý saıysy ótti. Budan bólek, aq halattylar otbasyn josparlaý men bosanýǵa daıyndyq, seriktestik bosaný joly men jańa týǵan náresteniń úı jaǵdaıyndaǵy kútimi, temperatýralyq tizbek pen akýsherlik jáne pedıatrııadaǵy qıyn jaǵdaılarda shuǵyl kómek kórsetý, tsıfrlandyrý jáne onlaın tirkeý kestesi kópshilik boıynsha usynystaryn ortaǵa saldy.
Saıysta birneshe nomınatsııa boıynsha úzdikter anyqtalyp, olarǵa Túrkistan oblystyq «DENSAULYQ» Densaýlyq saqtaý uıymdary jumyskerleriniń jergilikti kásipodaǵy» qoǵamdyq birlestiginiń tóraǵasy Ashat Aqylbekov baǵaly syılyqtar tabystady. Bas júldeni jeńip alǵan Ordabasy aýdandyq aýrýhanasy men Túrkistan qalalyq emhanasy bas dárigerleriniń orynbasarlaryna shıpajaıǵa joldamalar berildi. Sonymen qatar demeýshiler tarapynan 100-den astam bala men júkti jáne bosanǵan áıelderge de ártúrli syılyqtar tartý etildi. Shara sońynda fleshmob uıymdastyrylyp, kontserttik baǵdarlamaǵa ulasty.
