Túrkistan oblysynda dárilik shópti zańsyz qazǵan 130-dan astam sheteldik ustaldy

TÚRKІSTAN. QazAqparat - Túrkistan oblysynda emdik qasıeti óte joǵary dárilik «Keýrek» shóbin zańsyz qazǵan 130-dan astam sheteldik ustaldy, dep habarlaıdy QazAqparat tilshisi.

Túrkistan oblysynyń polıtseıleri júrgizgen reıd barysynda Otyrar aýdanynda 33 Tájikstan azamaty, Arys aýdanynda 101 Ózbekstan azamaty zańsyz jumys istep júrgendigi anyqtalǵan. Olar QR ÁQBtK-niń 517-babynyń 5-bóligimen «Sheteldiktiń nemese azamattyǵy joq adamnyń Qazaqstan Respýblıkasynyń halyqtyń kóshi-qony salasyndaǵy zańnamasyn buzýy» boıynsha jaýapqa tartyldy.

Sonymen qatar «Keýrek» shóbin qazýǵa zańsyz sheteldik jumys kúshin tartqan Qazaqstan Respýblıkasynyń 2 azamaty anyqtalyp, olarǵa QR ÁQBtK-niń 519-babymen «Sheteldik jumys kúshin jáne eńbekshi kóship kelýshilerdi Qazaqstan Respýblıkasynyń zańnamasyn buza otyryp tartý» boıynsha hattama túzildi.