Túrkistan oblysynda dárigerler memorandým aıasynda biliktiligin arttyrady
TÚRKІSTAN. QazAqparat - Túrkistan oblystyq qoǵamdyq densaýlyq basqarmasy men «Universal Medical Center» korporatıvtik qorynyń basshylary ekijaqty yntymaqtastyq týraly memorandýmǵa qol qoıdy, dep habarlaıdy QazAqparat tilshisi.
Atalǵan qujatqa sáıkes óńirdiń dárigerleri biliktiligi men bilimin arttyra otyryp, aımaqtyń medıtsına salasyn damyta túsetin boldy.
Kelisimshart negizinde túrkistandyq dárigerlerdiń elordalyq aq halattylarmen ózara tájirıbe almasyp, tyǵyz qarym-qatynasta jumys isteýine barlyq jaǵdaı jasalmaq.
Aldaǵy kúnderi «Ulttyq ǵylymı ana men bala densaýlyǵy» ortalyǵynyń mamandary oblys ortalyǵyna arnaıy kelip, jergilikti aq halattylarmen halyqqa qyzmet kórset kórsetý jumysyn qolǵa alýdy josparlap otyr.
Onda ana men balanyń densaýlyǵy tekserýden ótkizilip, tıisti em-dom sharalary júrgiziledi dep kútilýde.
Aıta keteıik, Túrkistan oblysynda jyl saıyn 65 myńǵa jýyq sábı dúnıege esigin ashady.
Óńir tabıǵı ósim boıynsha respýblıkada kósh bastap tur. Jyl basynan beri 25 myńnan astam búldirshin dúnıe kelgen.
