Túrkistan oblysynda dárigerler 39 jastaǵy júkti áıeldi aman alyp qaldy
NUR-SULTAN. QazAqparat - Dárigerler júkti áıel men onyń sábıiniń ómirin aman alyp qaldy, dep habarlaıdy QazAqparat Túrkistan oblysy ákiminiń baspasóz qyzmetine silteme jasap.
Baspasóz qyzmeti taratqan aqparattarǵa qaraǵanda, Túrkistan oblysy Saryaǵash aýdanynyń 39 jastaǵy turǵyny tuńǵyshyn jedel-járdem qyzmetimen perzenthanaǵa bara jatqan jolda bosanǵan.
Dárigerlerdiń aıtýynsha, kindigi moınyna birneshe ret oralǵandyqtan, náreste tunshyǵyp týylǵan. Oblystyq medıtsınalyq jedel-járdem qyzmetkerleri shuǵyl túrde jandandyrý ádisin qoldanyp 10 mınýt shamasynda sábıdiń tynys alýyn qalpyna keltirgen.
Qazir ana men balanyń jaǵdaıy jaqsy, perzenthanada dárigerlerdiń baqylaýynda. Jalpy, kún saıyn oblystyq jedel-járdem stansasynyń 124 brıgadasy shaqyrtýǵa shyǵady. Táýligine ortasha eseppen 2000-ǵa jýyq qońyraý túsýde. Kelesi jyly brıgadalar sanyn 150-ge deıin arttyryp, medıtsınalyq jedel-járdem qyzmetin odan ári jetildirý josparlanǵan.
