Túrkistan oblysynda dala órtinen 85 gektar jer janyp ketti
TÚRKІSTAN. QazAqparat - Túrkistan oblysy, Báıdibek aýdanynda dala órtinen 85 gektar jer janyp ketti, dep habarlaıdy QazAqparat.
Tótenshe jaǵdaı Borylsaı aýyldyq okrýgi men Keńsaı eldimekeninde oryn alǵan.
Oblystyq TJD málimetinshe, órt týraly habarlama 23 shilde kúni, saǵat 18.56-da túsken.
«Báıdibek aýdanynda eki baǵyta: ońtústik baǵytta - 40 ga jáne kúnshyǵys baǵytta - 45 ga qurǵaq shóp jandy. Órttiń jalpy aýmaǵy 85 ga quraǵan. Qatty jel men ystyq aýa raıynyń saldarynan órt sanaýly mınýttarda oıly-qyrly jerlerge tez taraǵan. Ony sóndirýge Báıdibek aýdandyq № 34,10 órt sóndirý bólimderinen 28 jeke quram men 2 tehnıka, orman sharýashylyǵy bóliminen 40 adam men 2 tehnıka jáne jergilikti turǵyndardan 10 adam jumyldyryldy. Órt ońtústik baǵytta túngi saǵat 23:40-ta oqshaýlanyp, saǵat 00:00-de tolyq sóndirildi. Al, soltústik baǵytta saǵat 00:03-te oqshaýlanyp, tańǵy saǵat beste tolyq sóndirilgen» delingen habarlamada.
Tilsiz jaýdan qaıtys bolǵandar men zardap shekkender tirkelmegen. Qazir óńirlik tótenshe jaǵdaılar qyzmetiniń ókilderi órttiń shyǵý sebepterin anyqtap jatyr.
