Túrkistan oblysynda daǵdarysqa qarsy birqatar shara iske asyrylady
QR Premer-Mınıstri Asqar Mamınniń tóraǵalymen ótken selektorlyq otyrysta Qazaqstan Respýblıkasynyń 2020-2024 jyldarǵa arnalǵan áleýmettik-ekonomıkalyq damý boljamy jáne 2020 jylǵa arnalǵan respýblıkalyq bıýdjeti, sondaı-aq QR Prezıdenti Qasym-Jomart Toqaevtyń bıylǵy 31 naýryzdaǵy tapsyrmalaryn iske asyrý aıasyndaǵy daǵdarysqa qarsy sharalardyń qosymsha toptamasy qaraldy.
Óńirlerdegi ahýal jáne jumyspen qamtýdy qoldaý sharalary týraly baıandaǵan Túrkistan oblysynyń ákimi Ómirzaq Shókeev, jańa bastamalardyń oblys úshin óte mańyzdy ekenin aıtty. Bul daǵdarystyq jaǵdaıdyń shaǵyn jáne orta bızneste jumys isteıtin halyqtyń edáýir bóligine áser etetinin eskere otyryp, atalǵan sharalar óz ýaqytysynda qabyldanyp otyrǵandyǵyn atap ótti.
Túrkistan oblysynda halyq sany 2016,1 myń adam, onyń 832 myń adamy ekonomıkalyq turǵydan belsendi (41,2%). Jalpy halyqtyń 779,8 myń adamy jumyspen qamtylǵan. Memleket basshysynyń málimdemesine sáıkes, óńirde áleýmettik qoldaý jumystary júrgiziledi.
«Aldymen, syrtqy naryqta qalyptasqan jaǵdaıdy eskere otyryp, halyqty jumyspen qamtý boıynsha sharalar qabyldandy. «Eńbek» memlekettik baǵdarlamasy aıasynda 70 myńnan astam oblys turǵyndary jumyspen qamtylady. Oǵan qosa, daǵdarysqa qarsy sharalar retinde respýblıkalyq bıýdjetten bólingen qosymsha qarajatqa taǵy 25 myń jumys orynǵa jol ashyp, nátıjesinde 100 myńǵa jýyq jumyssyz júrgen azamattarǵa jumys kózin tabýǵa múmkindik bar», - dedi Ómirzaq Shókeev.
«Jumyspen qamtýdyń jol kartasy» baǵdarlamasy arqyly oblysqa 497 ınfraqurylymdyq jobalardy iske asyrýdy kózdelgen. Sonyń nátıjesinde 22 myńnan astam jumys oryndary ashylatyny boljamdandy, oblystyń jumyssyz halqynyń keminde 50 paıyzynyń jumysqa ornalastyrý kútilýde. Jáne tótenshe jaǵdaı kezinde jumyssyz qalǵan azamattarǵa qoldaý retinde eń tómengi jalaqy mólsherinde (42 500 teńge) áleýmettik tólemderdi júrgizý jumystary bastaldy.
Basty nazarda áleýmettik mindettemelerdi tolyq kólemde oryndaý. Oblystaǵy barlyq osal toptaǵy azamattarǵa taldaý jumystary júrgizildi, ásirese az qamtylǵan otbasylar, múgedekter, zeınetkerler erekshe baqylaýǵa alyndy.
Qoldaý sharalardyń biri retinde ataýly áleýmettik kómek alýshylardyń 6 jastan 18 jasqa deıingi balalary azyq-túlik-turmystyq jıyntyqtarymen qamtyldy. Sonymen qatar, Elbasynyń bastamasymen eń tómengi zeınetaqy alatyn múgedekter, zeınetkerler, jetim balalar, qarııalarymyzdy qoldaý úshin «Birgemiz» qory quryldy. Bul jumystar Nur Otan partııasymen júzege asyrylatyn bolady. Budan bólek, jalpy óńirde kóktemgi dala jumystaryna 70 myńnan astam turǵyndar turaqty jáne maýsymdyq negizde jumyspen qamtylýda. Qıyn jaǵdaıda halyqqa kórsetiletin barlyq bastamalardy qoldaı kele, jumyspen qamtý sharalary óz nátıjesin kórsetpek.
