Túrkistan oblysynda brakonerlerden 26 qustyń eti tárkilendi
Sozaq aýdanynyń polıtseıleri Aqjar kóliniń mańynda ańshylyq quryp júrgen eki azamatty ustady. Ordabasy men Tólebı aýdanynyń turǵyndary zańsyz qaz jáne úırek qustaryn aýlaý úshin óńirge arnaıy daıyndyqpen barypty. Polıtseıler aıǵaqty zat retinde brakonerlerden 2 dana ańshy myltyǵyn, 1 qaıyq, 18 dana qaz, 8 dana úırek etin tárkilegen.
«Kúdiktiler óz sózinde Sozaq aýdanyna ańǵa shyǵý maqsatynda kelgenderin jetkizdi. Alaıda olardyń ań atýǵa ruqsat qaǵazdary bolmaı shyqty», -delingen Túrkistan oblysy polıtsııa departamentiniń baspasóz qyzmeti taratqan habarlamada.
Qazirgi tańda quqyq buzýshylarǵa qatysty QK-niń 337-baby «Zańsyz ańshylyq» boıynsha sotqa deıingi tergeý júrgizilýde. Polıtsııa qyzmetkerleri kúdiktilerdiń basqa da osyǵan uqsas qylmystarǵa qatysy bar-joǵyn anyqtaýda.
