Túrkistan oblysynda borandy kúni myńnan astam jolaýshy qaýipsiz jerge ornalastyryldy
Kúni keshe Túrkistan oblysy aýmaǵynda qalyń qar jaýyp, qatty jeldiń áserinen Báıdibek, Qazyǵurt, Kentaý, Sozaq, Tólebı, Túlkibas aýdandary arqyly ótetin respýblıkalyq, oblystyq, aýdanaralyq mańyzy bar joldar jabyldy.
Jabylǵan joldar boıynsha 11 ýchaskede Túrkistan oblysynyń polıtseıleri qyzmet etti.
Atalǵan ýchaskelerde qoǵamdyq jáne jol qaýipsizdigin qamtamasyz etýge polıtsııa qyzmetkerleriniń 41 tehnıkasy, al basqa da quzyrly mekemelerden joldardy tazartýǵa jalpy 73 arnaıy tehnıka jumyldyryldy. Polıtsııa, Tótenshe jaǵdaılar departamenti, jergilikti ákimdiktermen birlesip 114 avtokólikte bolǵan 261 adamdy qaýipsiz jerge jetkizdi.
Al Almaty baǵytyna qaraı jol tartqan 594 avtokólik ýchaskelerde turaqtady. Onyń ishinde 325-i úlken salmaqty júk kóligi (fýra), 37-si Gazel júk kóligi, 70-i jolaýshylar avtobýsy, 50-i jolaýshylar mıkroavtobýsy, 112-si – jeńil avtokólik. Ondaǵy 800 adam meshitterge, 400 adam jaqyn mańdaǵy qaýipsiz oryndarǵa ornalastyryldy.
Foto: polisia.kz
