Túrkistan oblysynda bopsalaýmen aınalysqan uıymdasqan qylmystyq top músheleri ustaldy
TÚRKІSTAN. QazAqparat –Arnaıy operatsııa barysynda bopsalaýmen aınalysqan uıymdasqan qylmystyq top músheleri ustaldy, dep habarlaıdy QazAqparat Túrkistan oblysy PD-niń baspasóz qyzmetine silteme jasap.
Túrkistan oblystyq Polıtsııa departamentine Qazyǵurt aýdanynyń turǵyny aryzdanǵan. Aýyl turǵyny úsh er adam ony qorqytyp, shamamen 4 000 000 teńge aqsha
talap etkenin aıtty. Atalǵan jaıtty polıtsııa qyzmetkerleri SDTBT-ǵa «bopsalaý»
baby boıynsha tirkedi.
Qylmystyń aýyrlyǵyn eskere otyryp, Polıtsııa departamenti men UQKD jedel bólimshelerdiń tájirıbeli qyzmetkerlerinen birden birlesken top quryldy. Barlyq
qajetti jedel-izdestirý is-sharalary júrgizildi, atqarylǵan jumystar aıasynda osy qylmysqa qatysy bar adamdar anyqtaldy. Olardyń barlyǵy uıymdasqan qylmystyq
top músheleri bolyp shyqty.
Birlesken jedel is-sharalardyń nátıjesinde turǵylyqty jeri boıynsha 9 adam ustaldy, olar Qazyǵurt, Keles jáne Saryǵash aýdandarynyń turǵyndary.
Kúdiktilerdiń 4-i uıymdasqan qylmystyq toptardyń músheleri, al úsheýi buryndary buzaqylyq, adamdy urlaý jáne terrorıstik áreketti uıymdastyrý maqsatynda adamdardy tartý úshin sottalǵandary anyqtaldy.
Qazirgi ýaqytta Túrkistan oblysy PD Tergeý basqarmasy osy iske baılanysty tııanaqty tergeý jumystarymen aınalysýda. Búginde tórteýi sotpen qamaýǵa alyndy, 5-eýi qolhatta. Kúdiktilerdiń biriniń úıin tintý kezinde jedel ýákilder nómirlik belgisi zaqymdalǵan sholaq myltyq pen metall kastetti taýyp, tárkiledi.
Tergeýshiler oqıǵanyń barlyq mán-jaıyn anyqtap, qylmystyq toptyń basqa da qylmystarǵa qatystylyǵyn tekserýde.
