Túrkistan oblysynda bokstan qyzdar arasynda halyqaralyq týrnır ótti
ShARDARA. QazAqparat – Túrkistan oblysy, Shardara aýdanynda bokstan qyzdar arasynda halyqaralyq týrnırdiń ashylý saltanaty ótti, dep habarlaıdy QazAqparat tilshisi.
Aýdannyń qurylǵanyna 55 jyl tolýyna arnalǵan jarysqa 2004-2005 j.t jáne 2006-2007 jyly týǵan jasóspirimder qatysty.
Atalǵan jarysqa Qazaqstan Respýblıkasynyń barlyq oblystary jáne qalalarymen qosa Ózbekstan, Qyrǵyzstan memleketterinen de bylǵary qolǵap sheberleri baq synamaq. Jarystyń ashylý saltanatynda sóz alǵan aýdan ákimi Baýyrjan Shompıev óńirden shyqqan Álem chempıondarynyń sany 56 adamǵa jetkenin maqtanyshpen aıtyp, búgingi kúni saıysqa túskeli turǵan boksshy qyzdarǵa sáttilikter tiledi.
Halyqaralyq týrnırdi ashyq dep jarııalady. QR eńbek sińirgen jattyqtyrýshysy, QR jasóspirim qyzdar arasynda aǵa jattyqtyrýshysy Jánibek Ábenulyn Shardara aýdany ákiminiń alǵys hatymen jáne estelik syılyǵymen marapattady. Sonymen birge Túrkistan oblysynda qyzdar arasynda boks sportynyń damýyna súbeli úles qosyp júrgen Nurbek Demeýovty oblystyq dene shynyqtyrý jáne sport basqarmasy basshysy Polat Qyryqbaevtyń alǵys hatymen jáne estelik syılyǵymen marapattady.
