Túrkistan oblysynda bıyl 400 myń sharshy metrge jýyq turǵyn úı paıdalanýǵa berildi
TÚRKІSTAN. QazAqparat - Túrkistan oblysynda jyl basynan beri 363,5 myń sharshy metr turǵyn úı paıdalanýǵa berilip, 10541 adam turaqty jumyspen qamtylǵan, dep habarlaıdy QazAqparat óńir basshysynyń baspasóz qyzmetine silteme jasap.
Óńirde 13 kásiporyn ashylyp, 1665 adam jumysqa ornalasty. Jol kartasy aıasynda 7 jańa mektep ashylǵan. Túrkistan oblysynda «Nur Otan» partııasynyń saılaýaldy baǵdarlamasyn oryndaý jónindegi Jol kartasynyń júzege asyrylý barysy oblys ákimi Ómirzaq Shókeevtiń tóraǵalyǵymen ótken apparat otyrysynda talqylandy.
Jol kartasynyń oryndalýy boıynsha «Nur Otan» partııasy Túrkistan oblystyq fılıaly tóraǵasynyń birinshi orynbasary Beısen Tájibaevtyń baıandamasy tyńdaldy. Onyń aıtýynsha, saılaýaldy baǵdarlamanyń oryndalýy partııa fılıalynyń qatań baqylaýyna alynyp, turaqty túrde zerdeleý jumysy júrip jatyr. 2021 jyly oblystyq Jol kartasy boıynsha 110 ındıkator josparlansa, onyń 25-i oryndaldy.
Aýdandyq, qalalyq Jol kartalarynda josparlanǵan 1418 ındıkatordyń 668-i, ıaǵnı, 47 paıyzy júzege asqan. Osy jáne ózge derekterge toqtalǵan baıandamashy saılaýaldy baǵdarlamany oryndaý barysyndaǵy qıyndyqtar men máselelerge de toqtaldy. Jol kartasy boıynsha jylyna 2 ret aýdan, qala ákimderiniń esepteri tyńdalsa, degen usynysyn jetkizdi.
Apparat otyrysynda «Aýyl – El besigi» jobasynyń júzege asyrylýy baıandaldy. 2021 jyly 70 aýyldyq eldi mekende 302 jobaǵa 16,1 mlrd teńge bólingen. Іske asyrý josparlanǵan jobalar aıasynda bilim, densaýlyq, sport salasynda jańa nysandar boı kóterip, aýdan, qalalarda ınfraqurylym jańarady. Jyl qorytyndysymen 280 nysandy paıdalanýǵa tapsyrý josparlansa, búgingi tańda, 95 jobanyń jumysy aıaqtalyp, qabyldaýǵa daıyn. Onyń ishinde, 91 kóshe ortasha jóndeýden ótip, 4 mektepte kúrdeli jóndeý jasalǵan.
