Túrkistan oblysynda bıyl 23 mektep paıdalanýǵa berilmek
TÚRKІSTAN. QazAqparat – Túrkistan oblysynda bıyl 23 mektep paıdalanýǵa berilmek, dep habarlaıdy QazAqparat oblys ákiminiń baspasóz qyzmetine silteme jasap.
Túrkistan oblysynda 2019-2024 jyldar aralyǵynda 55 myńnan astam oqýshyǵa arnalaǵan 184 mektep salynady. Qazirgi ýaqytta 20 myń oryndyq 68 mekteptiń qurylys jumystary júrgizilse, 37 mekteptiń jobalaý-smetalyq qujattamasy ázirlendi. Taǵy 16 mekteptiń jobalaý-smetalyq qujattamasy ázirlenýde. Sondaı-aq qalǵan 63 mektepte tıisti jumystar júrýde.
«Bıylǵy jyldyń sońyna deıin 23 mektep paıdalanýǵa beriledi dep josparlanyp otyr. Nátıjesinde, apatty dep tanylǵan 3 mekteptiń jáne úsh aýysymdy 2 mekteptiń máselesi sheshiledi», delingen habarlamada.
Aıta keteıik, 68 mekteptiń 27-sy jańa qurylys, 41-i 2017-2018 jyldary salyna bastaǵan.
