Túrkistan oblysynda bıyl 1,4 myń shaqyrymǵa jýyq jol paıdalanýǵa beriledi
«Túrkistan oblysynda jergilikti mańyzy bar avtomobıl joldary men eldimeken kósheleriniń jalpy uzyndyǵy – 16 746,9 shaqyrym. 2019 jyly avtomobıl joldary salasyn damytýda 1 705,1 shaqyrym jol men 11 kópirge qurylys-jóndeý jumystary júrip, jyl sońyna deıin 585 nysan, ıaǵnı 1 391,8 shaqyrym jol paıdalanýǵa berilmek», delingen habarlamada.
Oblys ortalyǵy - Túrkistan qalasy boıynsha kóshelerdiń jalpy uzyndyǵy – 845 shaqyrym. Bıyl Túrkistan qalasynyń kóshelerinde jóndeý jumystaryn júrgizýge oblystyq bıýdjetten – 6,5 mlrd teńge bólingen. Qazirgi tańda 12,6 shaqyrym quraıtyn 3 kóshege kúrdeli jóndeý jumystary júrgizilýde. Onyń ekeýi bıyl paıdalanýǵa beriledi dep kútilýde.
Sonymen qatar, qalada 70 shaqyrymdy quraıtyn 63 kóshege ortasha jóndeý jumystary júrgizilip, aǵymdaǵy jyly paıdalanýǵa beriletin bolady. Budan ózge, 96,23 shaqyrymdyq 83 kóshege tas tóseý jumystary júrýde.
